Sulmuesi kroat Mario Manxhukiq do të largohet këtë verë nga Juventusi për ta vazhduar karrierën në Premier League, pasi është pranë marrëveshjes me skuadrën e Evertonit.
Lajmi është bërë i ditur të mërkurën nga e përditshmja britanike "The Telegraph". Mësohet se Manxhukiq do të largohet nga Juventusi, pasi nuk bën pjesë në planet e trajnerit të ri, Maurizio Sarri.
Për kartonin e tij, Evertoni është i gatshëm të paguajë 20 milionë euro dëmshpërblim. 33-vjeçari, te Evertoni shihet si përforcim i duhur për repartin e sulmit, transmeton Koha Ditore.
Manxhukiq ka kontratë me Juventusin deri në vitin 2021 kurse karrierë ka bërë edhe te ekipet tjera të mëdha si Atletico Madrid, Bayern Muenchen e Wolfsburg. Ai në Serie A ka shënuar 31 gola dhe ka asistuar 20 herë në 161 paraqitje.