Liverpooli e ka bërë transferimin e parë për sezonin e ri. Klubi anglez të hënën e ka zyrtarizuar mesfushorin Fabio Carvalho. 19-vjeçari te Liverpooli është transferuar nga skuadra e Fulhamit për dhjetë milionë euro.
Portugezi Carvalho me Liverpoolin ka firmosur kontratë pesëvjeçare dhe do t’i bashkohet klubit më 1 korrik. Carvalho ishte ndër më të merituarit që e ndihmoi Fulhamin të rikthehet në Premier League sezonin e ardhshëm dhe te Liverpooli po shihet si përforcim i duhur për mesfushën. Sezonin e fundit, Carvalho ka shënuar 11 gola dhe ka bërë tetë asistime në të gjitha garat për Fulhamin.
Ai është produkt i akademisë së Fulhamit, kurse në ekipin e parë është promovuar vitin e shkuar. Carvalho, gjithashtu, ka edhe dy paraqitje e një gol të shënuar me Përfaqësuesen U-21 të Portugalisë.
