Union Berlini ka magjepsur futbollin gjerman me ngritjen e tij përrallore deri në majën e Bundesligës dhe këtë sezon klubi po shpreson ta mbajë formën kampionale edhe në skenën evropiane. Unioni shkon drejt Portugalisë për të luajtur kundër Bragas në ndeshjen e dytë të fazës së grupeve në Ligën e Evropës të enjten, pasi humbi në shtëpi ndaj Union Saint-Gilloiset javën e kaluar.
“E vetmja gjë që ka rëndësi të enjten është që ne të marrim pikët tona të para në tabelë. Ne duam ta tregojmë fytyrën tonë të ligës", tha portieri i Union Berlinit, Lennart Grill.
Humbja 1:0 ndaj kundërshtarëve belgë është e vetmja e metë në një fillim të shkëlqyeshëm të kampanjës për Union Berlinin, i cili arriti lartësi të reja fundjavën e kaluar teksa doli në krye të Bundesligës për herë të parë në histori të klubit. Të rinjtë e njohur nga Berlini Lindor janë plot vetëbesim pasi shënuan katër fitore nga gjashtë ndeshjet e tyre hapëse në elitën e futbollit të Gjermanisë. Union Berlini është në ecurinë më të gjatë të pamposhtur në Bundesligë, pasi nuk ka humbur në 13 ndeshje, pavarësisht se është përballur me Bayern Muenchenin, RB Leipzigun (dy herë) dhe rivalin e qytetit Hertha Berlin (dy herë) gjatë kësaj periudhe.
“Jam veçanërisht i lumtur për 14 pikët, të cilat do të na ndihmojnë, sepse sigurisht që do të ketë faza në të cilat nuk do të shkojmë mirë”, tha trajneri Urs Fischer. “Është një moment i bukur për t'u kujtuar”.
Simpatia e jashtme për Union Berlin ekzistonte shumë kohë përpara promovimit të tyre në Bundesligë në vitin 2019, por javët e fundit klubi ka fituar mbështetjen e rrymës kryesore të futbollit gjerman.
Edhe
Union Berlini sfidon pritshmëritë në Bundesligë dhe Ligën e Kampionëve
Pasi skuadra e tij u barazoi 1:1 ndaj Union Berlinit në xhiron e katërt, trajneri i Bayernit Julian Nagelsmann ishte plot lëvdata për kundërshtarët.
“Tifozët janë të lezetshëm, stadiumi është i lezetshëm, klubi është i lezetshëm, Ursi është i lezetshëm”, tha ai.
Edhe ish-presidenti i Bayernit, Uli Hoeness, bëri një nga komplimentet e tij të famshme, shenjë kjo se Union Berlini tashmë ka tërhequr vëmendjen e futbollit gjerman.
"Ata janë shumë të suksesshëm, shumë të pëlqyer, mua më pëlqen ekipi si po luan”, tha ai. “Ata bëjnë një punë të shkëlqyeshme, por ky është një koncept tjetër. Nuk mund të fitosh Championsin me këtë”.
Edhe
Union Berlini ka vështirësi t’i besojë suksesit në Bundesligë
Nëse Union Berlini do të jetë në gjendje të fitojë ndonjëherë Ligën e Kampionëve, mbetet për t'u parë, por fakti që klubi mund të marrë pjesë në këtë garë tregon se sa larg kanë arritur gjërat në bashkinë lindore të Berlinit, Koepenick. Pavarësisht promovimit përpara sezonit 2019/20, shumica e njohësve prisnin që Union Berlini të rikthehej shpejt në divizionin e dytë, veçanërisht pasi pandemia ia grabiti pasurinë më të madhe - tifozët në “Stadion an der Alten Foersterei”, që ka një kapacitet prej 22 mijë ulësesh.
Megjithatë, Union Berlini përfundoi në një vend mbresëlënës të 11-tin - i barabartë me pikë me Herthan - në sezonin e tij të parë në Bundesligë, përpara se të renditet në vendin e shtatë dhe të pestë në dy kampanjat e ardhshme që i siguron daljen në futbollin evropian. Klubi nuk arriti të kalonte fazën e grupeve të Ligës së Konferencës të sezonit të kaluar përpara se të humbte ndaj Union Saint-Gilloiset javën e kaluar, megjithëse kjo ishte vetëm humbja e pestë në shtëpi në të gjitha garat që nga vera e vitit 2020. Ndërsa Union Berlini mund t'i ketë shmangur disa prej klubeve më të mëdha si Manchester Unitedin, Arsenalin, Monacon dhe Romën e Jose Mourinhos në short, Braga, kundërshtari i tij të enjten, ka një ecuri të ngjashme këtë sezon në kampionatin vendas. Me pesë fitore dhe një barazim, Braga qëndron pak prapa Benficas, që zë vendin e parë - dhe përpara Portos dhe Sportinguit - në ligën portugeze.
