Te Leipzigu janë të gatshëm ta lirojnë francezin Christopher Nkunku vetëm nëse marrin një ofertë të majme për kartonin e tij, njofton “Goal” të martën.
Në fakt, ekipi gjerman po kërkon 115 milionë euro për Nkunkun, i cili po kërkohet nga skuadrat e mëdha të Evropës pasi shkëlqeu sezonin e fundit te Leipzigu.
Ai shënoi 35 gola dhe bëri 19 asistime në 50 paraqitje në të gjitha garat. 24-vjeçari ka kontratë me Leipzigun deri në vitin 2024 dhe ekipi gjerman nuk e ka ndërmend ta shesë për një çmim të lirë.
Deri më tani, interesim për Nkunkun kanë shfaqur Paris Saint-Germaini, Real Madridi, Milani, Bayerni, Manchester Unitedi e Chelsea.
