Disa futbollistë të Lazios mund të merren në pyetje nga hetuesit, pasi klubi po përballet me heqjen deri në tri pikë, sipas raportimeve në Itali.
Federata Italiane e Futbollit ka nisur hetimin pasi Ciro Imobile, Lucas Leiva dhe Thomas Strakosha dy herë rezultuan negativë në testin për COVID-19, por ishin pozitivë kur u testuan nga UEFA dhe një laborator tjetër në Romë.
Klubi po hetohet për mashtrim në dokumente publike dhe neglizhim të masave për parandalimin e shpërndarjes së virusit.
Të enjten, shefi mjekësor i Lazios, Ivo Pulcini, u intervistua nga federata si dëshmitar dhe sipas “Corriere dello Sport”, edhe lojtarët e Lazios tani mund të intervistohen në ditët në vijim.
Sipas “Ill Messaggero”, Lazios mund t’i hiqet nga një deri në tri pikë nëse del fajtore.
-
Lazio rrezikon përjashtimin nga Serie A, pretendohet se shkeli protokollin shëndetësor
-
Rëndohet situata te Lazio, lëndohet edhe Pedro
-
Lazio ankohet në shkallën e dytë pas dënimeve që mori për shkelje të masave
-
Lotito suspendohet për shtatë muaj
-
Imobile negativ për COVID-19, autoritetet s’e lënë të luajë për Italinë