Mbrojtësi i Leeds Unitedit, Rasmus Kristensen, i është bashkuar skuadrës së Romës në formë huazimi për një sezon.
Leedsi shpenzoi 13 milionë euro për ta transferuar 26-vjeçarin nga Red Bull Salzburgu me kontratë pesëvjeçare në verën e kaluar.
Mbrojtësi i krahut të djathtë shënoi tri gola në 30 ndeshje për klubin që nuk arriti ta sigurojë mbijetesën në Premier League.
Kristenseni ka 15 paraqitje për Danimarkën, ndërsa i bashkohet qendërmbrojtësit Diego Llorente, që është huazuar në “Stadio Olimpico”.
Llorente në janar u huazua te Roma, por është kthyer sërish te klubi italian për edicionin 2023/24.
