Trajneri i ri i Wolfsburgut, Niko Kovaç, do të rikthehet në “Allianz Arena” për të luajtur me ekipin e tij kundër Bayern Munichut dhe nuk pritet të ketë pritje të ngrohtë.
Takimi mes Bayern Munichut dhe Wolfsburgut e mbyll xhiron e dytë të Bundesligës dhe zhvillohet të dielën në orën 17:30.
Kovaçi ishte trajner i bavarezëve dhe e udhëhoqi ekipin drejt titullit të kampionit dhe e fitoi Kupën e Gjermanisë në edicionin 2018/19. Megjithatë, ai u shkarkua në mesin e atij edicioni, pasi ekipi i tij humbi me rezultatin 5:1 nga Eintracht Frankfurti.
Ai u zëvendësua nga Hansi Flicku që e fitoi më pas Bundesligën si dhe Ligën e Kampionëve në vitin 2020.
Tani trajneri i ri, Julian Nagelsmann po e vazhdon suksesin. Fitoi 6:1 në ndeshjen hapëse të Bundesligës kundër Frankfurtit dhe është në mesin e ekipeve më të mira në Evropë.
Wolfsburgu barazoi në ndeshjen e parë 2:2 ndaj Werder Bremenit të rikthyer në Bundesligë.
Edhe
Bundesliga me mbyllje të zjarrtë, “në lojë” Championsi dhe rënia nga liga
Kovaqi bëri punë të mirë për 18 muaj sa ishte pjesë e Monacos. Monaco ishte kandidat për të rënë nga liga, por Kovaqi arriti që të luftonte për titull në sezonin 2020/21. E humbi atë krejt në fund, por Paris Saint-Germainin e kishte mposhtur dy herë gjatë rrugës.
Suksese tani synon edhe me Wolfsburgun. Kovaqi ka thënë se skuadra e tij e ka shansin për ta befasuar Bayernin.
Sa u përket statistikave, Bayerni ka luajtur 25 herë me Wolfsburgun në shtëpi dhe e ka mposhtur 23 herë. Ka barazuar në dy raste të tjera.
