Komisioni i MKRS-së nuk i shqyrton kërkesat e klubeve pa u licencuar FFK-ja

Komisionit për Shqyrtimin dhe Vlerësimin e Kërkesave për Lëshimin e Vërtetimeve për Sponsorizim në Fushën e Kulturës, Rinisë dhe Sportit, konkretisht në fushën e sportit, i ka njoftuar 46 klubet e futbollit se asnjë vërtetim për sponsorizime nuk do të lëshohet derisa Federata e Futbollit e Kosovës të pajiset me licencë nga MKRS-ja.

Njoftimi u është lëshuar të hënën pasdite, ndërsa KOHA posedon shkresën e Komisionit drejtuar klubeve.

“Komisioni duke u bazuar në rekomandimin e Komisionit Vlerësues për Licencim të Federatave Sportive dhe aprovim nga Ministria e kulturës, Rinisë dhe Sportit të datës 21.12.2022, ju njoftojmë që lëndët e pranuara nga Komisioni për Shqyrtimin dhe Vlerësimin e Kërkesave për Lëshimin e Vërtetimeve për Sponsorizim në Fushën e Kulturës, Rinisë dhe Sportit nuk mund t’i trajtojë kërkesat e juaja deri në licencimin e Federatës së Futbollit, shoqatave, klubeve dhe shkollave të futbollit nga ana e Komisionit të Licencimit në Ministrinë e Kulturës, Rinisë dhe Sportit”, shkruan në shkresën e Komisionit të MKRS-së.