Sulmuesi italian Moise Kean mund të rikthehet sërish te PSG-ja.
Kean që është lojtar i Evertonit, aktualisht është i huazuar te Juventusi.
Në fund të sezonit, Juventusi e ka detyrim që të blejë Keanin, të cilin e kishte shitur tek Evertoni në verën e vitit 2019.
“Zonja e Vjetër” po planifikon që në edicionin 2022/2023 ta huazojë 21-vjeçarin te PSG-ja, nëse nga klubi francez largohet Kylian Mbappe.
Te Juve e shohin si mundësi të mirë huazimin e italianit, i cili si lojtar është rritur pikërisht te klubi nga Torino.
Në 26 ndeshje këtë sezon, Kean ka shënuar katër gola dhe ka bërë edhe një asistim.
