“Hat-tricku” i shënuar nga Akram Afif e ka ndihmuar Katarin që ta fitojë trofeun e Kupës së Azisë.
Katari të shtunën fitoi me rezultatin 3:1 ndaj Jordanisë, në finalen e zhvilluar në “Lusail Stadium”.
Katari u bë shteti i parë që e mbron këtë trofe që prej vitit 2004.
Ishte vetëm trofeu i dytë i fituar nga nikoqiri i turneut.
Afif të gjitha golat i shënoi nga penalltia. Të parin e realizoi në minutën e 22-të, ndërsa Jordania u kundërpërgjigj në minutën e 67-të, kur sulmuesi Yazan Al Naimat i barazoi shifrat në 1:1. Më pas, Afif shënoi edhe dy penallti të tjera, në minutën e 73-të dhe në minutën e pestë të shtesës, për rezultatin final të takimit. Afif golat i festoi duke bërë magji me kartonë.
Sulmuesi i Katarit e fitoi edhe trofeun e “Këpucës së Artë”, pasi ka realizuar tetë gola gjithsej në këtë edicion të Kupës së Azisë.
Edhe
Katari avancon në finale të Kupës së Azisë
Afif, 27-vjeçar, ishte pjesë e Katarit edhe në vitin 2019. Në edicionin e kaluar, Afif kishte më së shumti asistime.
Jordania nga ana tjetër është ende në kërkim të trofeut të parë të kësaj gare.
