Jordania ka shënuar një nga sensacionet më të mëdha në Kupën e Azisë.
Të martën, Jordania e ka mposhtur 2:0 Korenë e Jugut në gjysmëfinale.
Jordanezët shkruan historinë, duke u kualifikuar për herë të parë në finale.
Jordania e siguroi fitoren në pjesën e dytë. Yazan Al Naimat (53’) dhe Mousa Al-Tamari (66’) realizuan golat e fitores për shtetin e tyre, pasi shfrytëzuan gabimet në pasime nga lojtarët koreano-jugor – që në këtë ndeshje i kishin të shumta.
Jordania më herët eliminoi Irakun e Taxhikistanin. Në finale e pret fituesin e duelit Iran – Katar.
Korea e Jugut ndërkohë, nën drejtimin e gjermanit Jurgen Klinsmann, e mbylli turneun jashtë pritshmërive.
