Mbrojtësi i krahut të djathtë, Rick Karsdorp, ka vazhduar kontratën me klubin aktual Roma.
Holandezi pas paraqitjeve fantastike këtë edicion është shpërblyer me kontratë të re, e cila do ta mbajë atë në “Olimpico” deri në vitin 2025.
Lajmi është bërë i ditur nga klubi kryeqytetas në rrjetet sociale.
26-vjeçari këtë sezon në 30 paraqitje ka shënuar një gol dhe ka dhuruar dy asistime.
Ai u transferua në vitin 2017 nga Feyenoordi për 16 milionë euro.
