Juventusi nuk ka hequr dorë nga transferimi i mbrojtësit të krahut të majtë, Jose Gaya, përcjell “Calciomercato” të hënën. Bëhet e ditur se Juventusi po insiston në shërbimet e tij dhe tashmë ka bërë gati ofertën për ta bindur Valencian në lirimin e 27-vjeçarit në verë.
Thuhet se Juvenusi do të ofrojë rreth 40 milionë euro, duke pasur parasysh se Gaya është i gatshëm të transferohet në Itali për shkak të problemeve financiare të klubit spanjoll.
Ai është kapiten i Valencias dhe ka kontratë deri në vitin 2027. Gaya është ndër mbrojtësit e krahut më të vlerësuar në La Liga dhe te Juventusi po shihet si përforcim i duhur për sezonin e ardhshëm. Këtë edicion, Gaya ka shënuar 1 gol dhe ka bërë 3 asistime në 24 ndeshje të luajtura.
Artikuj të ngjashëm