Adnan Januzaj ka mbërritur në Sevilla për ta kompletuar transferimin te klubi andaluzian. Ai do t’u nënshtrohet testeve mjekësore sot dhe do t’i bashkohet Sevillas si futbollist i lirë, pasi i ka skaduar kontrata që e kishte me Real Sociedadin.
Sevilla e ka pasur nisjen më të dobët në 41 vjet. E ka vetëm një pikë në tri ndeshjet e para. 27-vjeçari Januzaj do t’i bashkohet Sevillas pasi i kaloi pesë sezone te Real Sociedadi. Luajti në 168 ndeshje në të gjitha garat. Kontribuoi me 23 gola e 21 asistime.
Me Sociedadin e fitoi Kupën e Mbretit në edicionin 2019/20. Me Belgjikën ka 15 paraqitje. Karrierë më parë ka bërë edhe te Manchester Unitedi, Borussia Dortmundi e Sunderlandi.
