Ish-ylli i Bayernit, James Rodriguez, është larguar nga Sao Paulo pas gjashtë muajsh. Ai me fanellën e klubit brazilian ka luajtur 14 ndeshje, ndërsa ka shënuar një gol dhe ka kontribuar me tri asistime. 32-vjeçari largohet me kërkesën e tij.
Sao Paulo ishte klubi i katërt për Rodriguezin pas largimit nga Munihu.
Karrierë ka bërë edhe te skuadra e Portos, Monacos, Real Madridit, Evertonit dhe Olympiacosit.
Ai mund t’i bashkohet skuadrës së Beshiktashit. Afati kalimtar në Turqi mbyllet të premten.