Elvis Hetemi të premten mbrëma në Ferizaj ka nokautuar në raundin e parë gjermanin Deniz Altz, duke fituar kështu titullin Internacional të Kosovës në peshën super të mesme dhe titullin e Gjermanisë.
Meçi ishte i vlefshëm për dy titujt. Për herë të parë në boksin profesionist një meç u zhvillua për titull të Kosovës.
Hetemi e rrëzoi Altzin pas afro dy minutave në raundin e parë me një goditje në trup, duke shënuar kështu fitoren e 17-të në boksin profesionist karshi një humbje. 11 fitore i ka me nokaut. Për Altzin ishte humbja e katërt karshi 11 fitoreve.
Meçi mes Hetemit dhe Altzit ishte kryesori i mbrëmjes i organizuar nga FIDES Sports.
Në këtë mbrëmje mbrojti titullin e botës në versionin WBC në kategorinë atom, Fabiana Bytyqi.
Bytyqi barazoi me meksikanen Elizabeth Lopez Corzo, por e mbajti titullin. Gjyqtari Predrag Aleksiq vlerësoi luftën 96:96, gjyqtari Maurizio Rinaudo 97:94 për Bytyqin e Hendrik Schramm 97:96 për Corzon, duke bërë kështu që meçi të përfundoi me barazim.
Edhe
Gjyqtarët e angazhuar nga Krasniqi vlerësojnë se ai ka fituar duelin me Boeselin
Për Bytyqin është barazimi i dytë karshi 19 fitoreve.
Po ashtu në mbrëmjen e të premtes boksoi për titull Internacional të Gjermanisë, Benjamin Gavazi. Ai e nokautoi në raund të parë Andreas Masoldin.
