Javier Hernandez është drejt rikthimit në Premier Ligë, pasi raportohet se ka arritur marrëveshje me klubin londinez, West Ham United.
Këtë e ka bërë të ditur vet lojtari për gazetarin e ESPN në Meksikë, Sergio Dipp, transmeton Koha.net.
Chicharito i ka konfirmuar atij se të hënën do t’i nënshtrohet testeve mjekësore për kompletuar transferimin te West Hami nga Leverkuseni, me të cilin ka hyrë në vitin e fundit të kontratës.
Transferimi i tij raportohet se do t’i kushtojë West Hamit 14.5 milionë euro.
Nëse shkon gjithçka sipas planeve atëherë ai mund të debutojë me West Hamin kundër ish-klubit të tij Manchester United më 13 gusht.
