Dy mundësit shqiptarë nga Shkupi, Rexhep Hajdari e Fati Vejseli kanë fituar medalje të vlefshme në Lojërat Mesdhetare “Taranto 2026”.
Dy mundësit e Maqedonisë së Veriut fituan medalje të argjendta të hënën.
Hajdari pësoi 6:0 në finale të kategorisë deri 97 kilogramë në stil të lirë. Ai humbi nga Dauren Kurugliev i Greqisë. Kurugliev është nga Dagestani i Rusisë, kurse prej vitit 2023 garon për Greqinë.
Hajdari i shënoi dy fitore në Lojëra Mesdhetare.
Vejseli u lëndua dhe e humbi finalen në kategorinë deri 74 kilogramë. U mposht nga Islam Dudaev i Shqipërisë.
Edhe
Dudaevi ia siguron Shqipërisë medaljen e parë të artë
Vejseli i shënoi tri fitore në Taranto.
Maqedonia e Veriut e ka vetëm edhe një medalje të bronztë në Lojëra Mesdhetare. Atë e ka fituar Ahmad Magomedov, në mundje po ashtu. Magomedov po ashtu është i natyralizuar.
