Qendërmbrojtësi Eric Garcia do të largohet nga Barcelona, por jo edhe nga La Liga, ka njoftuar “Diario Sport” të martën.
Bëhet e ditur se Garcia ka kërkuar largimin nga Barcelona dhe do të huazohet te skuadra e Real Betisit.
Ai do të huazohet për një vit te Betisi, ekip që verën tjetër do ta ketë opsionin e blerjes së tij për 15 milionë euro. 22-vjeçari nuk bën pjesë në planet e trajnerit Xavi Hernandez dhe për këtë arsye ka vendosur që ti bashkohet Betisit, pasi i është premtuar vendi i titullarit.
Edicionin e fundit, Garcia regjistroi 32 paraqitje për Barcelonën, ku kontribuoi me 1 gol e 2 asistime. Ai ka kontratë me Barçën deri në verën e vitit 2026, ndërsa karrierë ka bërë edhe te Manchester City. Garcia iu bashkua Barcelonës në verën e vitit 2021.