Arsenali ka shprehur interesim për qendërmbrojtësin Eric Garcia.
“The Sun” raporton të premten se klubi londinez po përgatit ofertën për ta bindur Barcelonën në lirimin e 22-vjeçarit.
Thuhet se Arsenali është gati të ofrojë deri në 15 milionë euro për transferimin e Garcias në fund të sezonit.
Garcia iu bashkua Barcelonës në vitin 2021 si lojtar i lirë, por nuk ka bindur me paraqitjet e tij. Këtë edicion, ai ka vetëm 21 paraqitje në të gjitha garat për Barçën, ku ka kontribuar me 1 gol e 2 asistime.
Garcia ka kontratë me Barcelonën deri në verën e vitit 2026, ndërsa karrierë ka bërë edhe te skuadra e Manchester Cityt.
