Skuadra e Gjilanit do të luajë me formacionin 4-2-3-1 kundër Progres Niederkornit.
Ndeshja kthyese nis në orën 20:00, dhe luhet në stadiumin “Fadil Vokrri” në Prishtinë.
Dueli i parë në Luksemburg përfundoi me rezultatin 2:2.
Të dy golat për Gjilanin i shënoi Arbnor Ramadani, nga penalltia.
Në portë, do të jetë portieri Angjelo Tafas.
Në mbrojtje do të luajnë Yll Hoxha, Egzon Sinani, Granit Jashari dhe Përparim Islami.
Në mesin e fushës janë kapiteni Besar Musolli dhe Arbnor Ramadani.
Edison Kqiku, Elton Cale dhe Baton Zabërgja do të jenë në mbështetje të sulmuesit Atdhe Rashiti.
