FIFA thotë se janë kërkuar 23.5 milionë bileta për Botëror

FIFA tha të premten se 23.5 milionë bileta të Kupës së Botës u kërkuan në rundin e fundit të shitjeve për turneun që fillon në Katar në më pak se shtatë muaj. Aplikimet nga Argjentina, Brazili, Anglia, Franca, Meksika, Katari, Arabia Saudite dhe Shtetet e Bashkuara dominuan, tha FIFA duke theksuar “kërkesën e madhe”.

Ndeshjet më të njohura janë finalja e 18 dhjetorit së bashku me disa nga duelet e forta të grupeve: Argjentina – Meksika, Argjentina – Arabia Saudite, Anglia – SHBA, Polonia – Argjentina, thuhet në një deklaratë të FIFA-s. Për ndeshjet ku kërkesa tejkalon numrin e biletave të disponueshme, kërkesat do të vendosen nëpërmjet një lotarie të rastësishme.

Të gjithë aplikantët e suksesshëm do t'u njoftohen nga 31 maji.

Çdo biletë e mbetur do të dalë më pas në shitje të përgjithshme. Çmimet e biletave janë mesatarisht rreth 30 për qind më të larta se për Kupën e Botës të Rusisë në vitin 2018.

Biletat më të lira janë për banorët e Katarit dhe ushtrinë e punëtorëve migrantë në shtet, të cilët do të paguajnë deri në 10 dollarë për të parë një ndeshje në grup të raundit të parë.

Por për finalen, biletat më të shtrenjta kushtojnë më shumë se 1600 dollarë - një rritje prej 45 për qind në krahasim me vitin 2018.

Edhe Sport 18 gus 2022 2.45 milionë bileta të shitura për Botërorin e futbollit

Rreth 804,186 bileta u morën në rundin e parë të shitjeve në periudhën janar-shkurt. Kërkesa për këtë dritare 23-ditore për aplikime ishte më e lartë, pasi ajo pasoi shortin e Kupës së Botës më 1 prill, i cili zbuloi se kur dhe ku do të luante secila skuadër.

Rreth dy milionë bileta janë në dispozicion për publikun e gjerë, me 1.2 milion të tjera që shkojnë për sponsorët dhe mbështetësit e tjerë. Ndeshja e parë mes Senegalit dhe Holandës është më 21 nëntor dhe finalja më 18 dhjetor, do të luhen në stadiumin “Lusail” me kapacitet prej 80 mijë ulësesh.