Mesfushori Christian Eriksen do ta shkëpusë kontratën e tij me skuadrën e Interit në janar, pasi nuk do të lejohet të luajë në Serie A me ICD të vendosur.
Eriksen në ndeshjen hapëse të Danimarkës në “Euro 2020” pësoi atak kardiak ndaj Finlandës dhe kolapsoi në fushë.
Për shkak të kësaj, atij i kanë implantuar një pajisje në zemër, me të cilën futbollistët nuk mund të luajnë në kampionatin italian. Eriksen, tashmë është kthyer këtë javë në stërvitje, por te ish-ekipi i tij në Danimarkë, Odense për shkak se nuk lejohet të stërvitet në Itali.
Interi dhe Erikseni kanë arritur marrëveshje për shkëputjen e kontratës, që do të zyrtarizohet në fillim të vitit të ardhshëm.
Eriksen ka kontratë me Interin deri në vitin 2024 dhe një pagë vjetore prej shtatë milionë eurosh.
