Sigal Prishtina – Trepça është përballja më interesante e çerekfinaleve të Kupës së Kosovës në basketboll.
Çiftet çerekfinaliste të Kupës në basketboll janë mësuar të enjten.
Çiftet tjera janë: Bashkimi – Vëllaznimi, Golden Eagle Ylli – Bora dhe Rahoveci 029 – Peja.
Ndeshjet e para çerekfinale do të zhvillohen më 13 dhe 14 janar 2027, kurse ndeshjet e kthimit më 20 dhe 21 janar 2027.
Në gjysmëfinale do të përballen fituesi i ndeshjes Bashkimi-Vëllaznimi dhe fituesi i ndeshjes Rahoveci 029-Peja, derisa në gjysmëfinalen tjetër përballen fituesit e ndeshjeve Golden Eagle Ylli-Bora dhe Sigal Prishtina-Trepça.
Ndeshjet çerekfinale dhe gjysmëfinale zhvillohen me nga dy ndeshje, vendas dhe mysafir, derisa finalja me një ndeshje të vetme.