Emil Forsberg pritet të largohet së shpejti nga skuadra e Leipzigut, që tashmë e ka gjetur pasuesin e tij.
Eljif Elmas do të jetë transferimi që do ta zërë vendin e mesfushorit suedez.
“Sky Sport” i Gjermanisë ka shkruar të premten se skuadra e Bundesligës gjermane do të paguajë rreth 23 milionë euro për të siguruar shërbimet e Elmasit.
Po ashtu është raportuar se marrëveshja është arritur, dhe Elmas do të nënshkruajë kontratë deri në vitin 2028.
Ai pritet t’i bashkohet pjesës tjetër të ekipit gjerman më 2 janar, pasi të përfundohen testet mjekësore.
Elmas ka dy gola të shënuar në edicionin aktual, ndërsa ka zhvilluar 16-të paraqitje në Serie A dhe në Ligën e Kampionëve.