Njëri do të qëndrojë pa dyshim. Njëri tashmë është larguar. Një tjetër ndoshta nuk dëshiron të flasë për të ardhmen e tij të menjëhershme në futboll ndërsa është me pushime.
Gjashtë përfaqësuese nga Konfederata aziatike, ku bën pjesë edhe Australia, janë në shtëpi pas fazës më të suksesshme të grupeve të Kupës së Botës për kontinentin dhe konfederatën. Tri përfaqësuese nga Konfederata aziatike arritën në raundin e dytë, megjithëse asnjëra nuk shkoi më tej.
Me Kupën e Azisë që zhvillohet në janar 2024, zgjidhja e statusit të trajnerëve është një prioritet i menjëhershëm për shumicën e federatave. Pesë nga gjashtë përfaqësueset e Azisë në Katar kishin trajnerë për një kohë të gjatë, por vetëm njëri është e sigurt që do të qëndrojë. Herve Renard nënshkroi një zgjatje të kontratës në maj për të qëndruar në krye të Arabisë Saudite deri në vitin 2027. Pas fitores tronditëse me përmbysje ndaj Argjentinës 2:1 dhe afrimit te një vend në 1/8 e finales, Renard është i sigurt në Përfaqësuesen saudite.
Ka gjithashtu vetëm një trajner që po largohet patjetër. Paulo Bento largohet nga Seuli pas më shumë se katër vjetësh në krye të Koresë së Jugut. Ai e çoi ekipin në raundin e dytë pas një fitoreje në minutën e fundit ndaj Portugalisë së tij, në ndeshjen e fundit të Grupit H. Por mandati i Bentos përfundoi me një humbje 4:1 ndaj Brazilit.
“Edhe pse u eliminuam në 1/8 e finales, ne ende i qëndruam stilit tonë të lojës kundër një ekipi të fuqishëm”, tha Bento, i cili shtoi se kishte vendosur në shtator të largohej nga ekipi, pas Botërorit të Katarit. “Unë do të jem gjithmonë i lidhur me Korenë e Jugut, si në aspektin e karrierës sime ashtu edhe në jetën time personale”.
Edhe
Trajnerët e huaj synojnë historinë në Botëror
Debati i futbollit në Kore tashmë ka kaluar në atë nëse trajneri i ardhshëm do të jetë një korean apo një i huaj.
Për katër trajnerët e tjerë që udhëhoqën skuadrat aziatike në Kupën e Botës, koha e vendimit është afër - qoftë për trajnerin apo federatën.
Graham Arnold e udhëhoqi Australinë në raundin e 1/8 e finales përpara një humbjeje 2:1 nga Argjentina. Arnold e mori detyrën në vitin 2018 dhe ndërsa Federata e Futbollit e Australisë ka treguar se është e kënaqur me punën e tij, ai ende nuk ka vendosur nëse do të vazhdojë.
“Nuk kam menduar për të ardhmen”, tha ai. “Kontrata ime ka përfunduar dhe thjesht dua të largohem, të bëj një pushim dhe të shoh se çfarë do të ndodhë”.
Federata australiane tha se është e lumtur t'i japë Arnoldit kohë dhe hapësirë për të menduar për të ardhmen.
Edhe
Arabia Saudite shkarkon përzgjedhësin dy muaj para Botërorit
Japonia mundi Gjermaninë dhe Spanjën për të kryesuar grupin dhe kaloi në fazën eliminatore të Kupës së Botës për herë të katërt, rekord për një ekip aziatik. Japonia ishte e zhgënjyer që nuk arriti në tetë të fundit për herë të parë, pasi u mposht në penallti nga Kroacia.
Trajneri Hajime Moriyasu, i emëruar në vitin 2018, ngatërroi kritikët të cilët mendonin se ai ishte shumë konservator për të udhëhequr ekipin drejt suksesit të madh. Pritet që 54-vjeçari Moriyasu të vazhdojë pasi u tha gazetarëve pas kthimit në Tokio se dëshiron të qëndrojë në punë më gjatë.
Në Iran mund të qëndrojë Carlos Queiroz, i emëruar në gusht. Irani mundi Uellsin, por nuk mundi të merrte pikë kundër Shteteve të Bashkuara të Amerikës në ndeshjen e fundit të Grupit B për të kaluar në fazën eliminatore.
“Tani duhet të mendojmë për mbështetjen e stafit teknik dhe Queirozit dhe të mendojmë për lojtarët dhe shpirtin e tyre”, tha Hamid Sajjadi, ministër i Sportit dhe Rinisë, pasi skuadra e Iranit u kthye në shtëpi. "Queiroz duhet të jetë në gjendje të planifikojë për Kupën e ardhshme të Azisë me qetësi dhe ne do të bëjmë gjithçka që mundemi për ta ndihmuar”.
Paraqitjen më të dobët të skuadrave aziatike në Katar e kishte vendi nikoqir. Felix Sanchez ishte trajneri me shërbimin më të gjatë nga gjashtë të tjerët, duke marrë drejtimin në Katar në vitin 2017. Por ai regjistroi tri humbje.
Edhe
Katari organizon Kupën e Azisë me synim për ta rritur ndikimin në futboll
“Qëllimi ynë është shumë i qartë, do të kemi një ndërrim gjeneratash”, tha Sanchez. "Disa lojtarë do të largohen, të tjerë do të vijnë”.
Tashmë duket se po ndodh. Të hënën në mbrëmje Federata e Futbollit e Katarit publikoi një listë me pamje të re për Kupën rajonale të Gjirit që mbahet në janar. Bruno Pinheiro, ish-trajner i ekipeve të të rinjve të Katarit, është tani në krye.
