Manchester City, Manchester Unitedi dhe Liverpooli janë futur në garë për shërbimet e sulmuesit të krahut, Luis Diazit të Portos.
Bëhet e ditur se ekipet nga Premier League kanë kontaktuar Porton që ka paralajmëruar shitjen e Diazit gjatë afatit kalimtar të janarit.
Për ta lënë të lirë 24-vjeçarin, Porto po kërkon të paktën 40 milionë euro. Diaz po shkëlqen këtë edicion me fanellën e ekipit portugez, pasi ka shënuar 13 gola dhe ka bërë tre asistime në 22 paraqitje në të gjitha garat.
Ai ka kontratë me Porton deri në verën e vitit 2024. Diaz ka edhe shtatë gola në 31 ndeshje me Kolumbinë.
