Qendërmbrojtësi i Kosovës, Ibrahim Dresheviq, e ka shënuar golin e parë me skuadrën e Machidas në elitën e futbollit të Japonisë.
Machida të shtunën fitoi me rezultatin 2:1 në udhëtim te skuadra Hokkaido Consadole Sapporo.
Ndeshja i ka takuar xhiros së katërt.
Dresheviqi realizoi nga afërsia pas gjuajtjes me kokë. Ai shënoi në minutë ne 66-të për rezultatin 2:0.
Dresheviq ka katër paraqitje në kampionatin japonez dhe i ka kompletuar të gjitha ndeshjet.
Por, ka munguar të premten në listën e publikuar nga përzgjedhësi Franco Foda, për ndeshjet miqësore të Kosovës në këtë muaj.
Machida është lider në elitën e futbollit japonez me 10 pikë pas katër ndeshjeve.
Artikuj të ngjashëm