Mbrojtësi Mouctar Diakhaby nuk do të largohet nga Valencia në fund të sezonit, pasi ka rinovuar kontratën me ekipin spanjoll që i skadonte këtë verë. Me rinovimin e kontratës, Diakhaby do të jetë pjesë e Valencias deri në verën e vitit 2027, ka njoftuar klubi nga La Liga.
26-vjeçari është njëri prej lojtarëve më të rëndësishëm te Valencia dhe i pazëvendësueshëm në përbërjen e parë të trajnerit Gennaro Gattuso.
Në 12 paraqitje këtë sezon në La Liga, ai ka kontribuar edhe me dy gola dhe është shprehur i lumtur që ka vazhduar bashkëpunimin me Valencian. Reprezentuesi i Guinesë iu bashkua Valencias në vitin 2018 nga Lyoni i Francës për 15 milionë euro.
Ai me Valencian e ka fituar një kupë të Spanjës.
