Ousmane Dembele do të largohet përfundimisht nga Barcelona këtë verë për t’u rikthyer në kampionatin gjerman. “Bild” njofton të martën se sulmuesi i krahut do t’i bashkohet Bayern Munichut pasi tashmë ka refuzuar rinovimin e kontratës me Barcelonën që i skadon vitin e ardhshëm.
Madje, thuhet se francezi tashmë ka marrëveshje personale me Bayernin, që ka nisur negociatat me ekipin spanjoll për transferimin e tij në verë.
Për kartonin e 25-vjeçarit, Barcelona po kërkon të paktën 60 milionë euro, ndërsa Dembele te Bayerni po shihet si përforcim i madh për edicionin e ardhshëm.
Ai është pjesë e Barçës prej vitit 2017 kur iu bashkua nga Borussia Dortmundi, ndërsa këtë edicion ka 8 gola e 7 asistime në 30 ndeshje të luajtura.
