Komisioni i Garave i Federatës së Futbollit të Kosovës ka iniciuar procedurë disiplinore ndaj trajnerit të Vushtrrisë, Armend Dallku.
Në arsyetimin e KG të FFK-së thuhet se, Dallku pas përfundimit të pjesës së parë të ndeshjes Vushtrria – Prishtina e Re, ka kapur për fyti njërin prej dy gjyqtarëve anësor.
Për më tepër, Dallku, sipas KG-së, i është vërsulur edhe gjyqtarit kryesor, për çka edhe u përjashtua nga loja e zhvilluar në stadiumin “Ferki Aliu”. Ndeshja derbi e Grupit B të Ligës së Parë përfundoi baras, 1:1.
