Manchester City është kualifikuar në finale të Kupës së Botës për klube të futbollit.
Të martën në Jeddah të Arabisë Saudite, fituesi i Ligës së Kampionëve të Evropës mposhti skuadrën japoneze Urawa Red Diamonds me rezultatin 3:0. Urawa është fituese e Ligës së Kampionëve të Azisë.
Marius Hoibraten shënoi autogol në minutën e parë shtesë në pjesën e parë. Mateo Kovaçiq shënoi për 2:0 në të mirë të Cityt në minutën e 52-të. Golin për 3:0 e shënoi Bernardo Silva në minutën e 59-të.
City në finale të Kupës së Botës për klube përballet me Fluminensen e Brazilit. Të hënën në gjysmëfinalen e parë, Fluminense fitoi 2:0 ndaj Al Ahlyt të Egjiptit.
Finalja është të premten prej orës 21:00.
