Manchester City po insiston në transferimin e mbrojtësit të krahut, Raphael Guerreiro ka shkruar të enjten “ESPN”.
Te City po duan ta transferojnë portugezin gjatë afatit kalimtar të janarit me kërkesën e trajnerit Pep Guardiola.
29-vjeçari është mbrojtës i majtë dhe ka kontratë me Borussia Dortmundin deri në fund të këtij sezoni.
City është gati të ofrojë rreth dhjetë milionë euro për transferimin e tij, duke pasur parasysh se portugezi ka refuzuar rinovimin e kontratës me ekipin gjerman.
Guerreiro është pjesë e Dortmundit prej vitit 2019, ndërsa në Kupën e Botës “Katari 2022” pati një gol e dy asistime në katër paraqitje për Portugalinë.
Këtë edicion, ai ka shënuar tri gola dhe ka bërë po aq asistime në 18 paraqitje për Dortmundin në të gjitha garat.