Marc Cucurella mund të konsiderohet futbollist i Manchester Cityt.
“The Sun” ka raportuar të premten se City tashmë ka arritur marrëveshje me Brightonin për mbrojtësin e krahut të majtë. Për transferimin e Cucurellas, që do të zyrtarizohet javën tjetër, City do të paguajë 36 milionë euro.
Ndërkohë, spanjolli me kampionin e Anglisë do të firmosë kontratë pesëvjeçare.
Ai te City do ta zërë vendin e lënë nga Oleksandr Zinchenko, i cili u transferua tek Arsenali.
24-vjeçari vitin e shkuar iu bashkua Brightonit nga Getafe dhe në sezonin e parë në Angli pati një gol e një asistim në 35 paraqitje.
