Barcelona është duke synuar që në verë ta transferojë mbrojtësin e Chelseat, Andreas Christensen, nëse deri atëherë futbollisti nuk e vazhdon kontratën.
“Blutë e Londrës” pritet të kenë takim me përfaqësues të mbrojtësit danez në javët e ardhshme për të biseduar rreth kontratës së tij.
Christenseni i bashkohet Antonio Rudigerit dhe Cesar Azpilicuetas, për të cilët, Barça ka shprehur interesim po ashtu, ka shkruar “Marca” të shtunën.
Christensen 25-vjeçar, në këtë edicion ka luajtur në 24 ndeshje. Ka dy gola të shënuar e një asistim.
