Kapiteni i Juventusit, Giorgio Chiellini sipas të gjitha gjasave do të tërhiqet nga futbolli aktiv këtë verë.
E përditshmja italiane “Gazzetta dello Sport” ka shkruar të mërkurën se Chiellini do të pensionohet në fund të këtij edicioni.
Ai këtë vendim e ka marrë për shkak të lëndimeve të shumta që i ka pasur kohët e fundit.
Shkaku i lëndimeve, Chiellini këtë sezon ka vetëm nëntë paraqitje në Serie A.
Në total, qendërmbrojtësi 36-vjeçar ka 16 paraqitje në të gjitha garat deri më tani.
Chiellini është pjesë e Juventusit prej vitit 2005 dhe me fanellën e ekipit nga Torino ka fituar nëntë tituj kampioni në Serie A.
