Mesfushori kroat ka nënshkruar kontratë pesëvjeçare me Blutë.
Mateo Kovaçiq nga sot është lojtar i Chelseat.
Blutë kanë vendosur të aplikojnë të drejtën e blerjes që kishin për mesfushorin kroat i cili sezonin e kaluar luajti si i huazuar te Chelsea nga Real Madridi.
Nga kjo shitje Reali përfiton 45 milionë euro ndërsa Kovaçiq do të jetë blerja e vetme e Chelseat pasi Blutë janë të dënuar nga FIFA dhe nuk kryejnë transferime të tjera deri verën e ardhshme.
Kovaçiq u shpreh shumë i lumtur që është përfundimisht pjesë e Chelseat ndërsa nënshkroi për pesë vite deri në vitin 2024 me skuadrën që shumë shpejtë pritet të drejtohet nga Frank Lampard.
“E shijova sezonin tim si i huazuar tek Chelsea, dhe ndihem shumë rehat te ky klub, si edhe në Londër”, tha ai. “Jam i lumtur që erdha përfundimisht këtu. Patëm një vit të suksesshëm, duke fituar Ligën e Evropës, ndërsa shpresoj që të jap një kontribut të madh edhe në sezonet në vijim”, përfundoi Kovaçiq./ksp