Portieri kosovar Etrit Berisha i është kthyer në stërvitje te Spalit pas periudhës së vështirë të kaluar shkaku i koronavirusit.
Berisha i ka nisur stërvitjet të martën te skuadra italiane që garon në Serie B. Berisha për shkak të problemve me koronavirus ishte shtrirë në spital, por siç raportohet në Itali, portieri i Shqipërisë është mirë dhe i gatshëm për stërvitje.
31-vjeçari i ka humbur gjashtë ndeshjet e fundit shkaku i COVID-19. Ai këtë edicion ka luajtur në gjashtë ndeshje. Me Spalin ka kontratë deri në verën e vitit 2022, derisa më herët ka bërë karrierë edhe te Atalanta, Lazio, Kalmari dhe 2 Korriku i Prishtinës.
