Joao Cancelo pritet të rikthehet te Manchester City nga Bayern Munichu në fund të sezonit, ka raportuar “Bild” të mërkurën. Bëhet e ditur se skuadra gjermane ka vendosur që mos ta shfrytëzojë opsionin e blerjes së portugezit, i cili nuk e ka bindur trajnerin Julian Nagelsmann.
Në dy ndeshjet e fundit kampionale, Cancelo nuk është aktivizuar fare te Bayerni pasi në pozitën e krahut po preferohet kroati Josip Stanishiq. Cancelo në janar u huazua për gjashtë muaj te Bayerni, ekip që ka të drejtën e blerjes së tij në verë për 70 milionë euro.
28-vjeçari ka dy asistime në 5 ndeshje të luajtura për Bayernin, ndërsa me skuadrën e Cityt ka kontratë deri në verën e vitit 2027.
Artikuj të ngjashëm