Bayern Munichu është futur në garë për mbrojtësin e krahut të djathtë, anglezin Reece James. “Kicker” ka raportuar të premten se Bayerni është i vendosur për ta transferuar anglezin për edicionin e ardhshëm.
Bavarezët besojnë se mund ta sfidojnë Real Madridin për shërbimet e 23-vjeçarit, i cili është pjesë e skuadrës së Chelseat. Në fakt, Bayerni është gati për të ofruar mbi 60 milionë euro për t’i siguruar shërbimet e Jamesit që e sheh si përforcim të duhur për krahun e mbrojtjes.
James është kapiten i Chelseat këtë edicion, ndërsa me ekipin nga Londra ka kontratë deri në verën e vitit 2028. Ai, aktualisht është i lënduar dhe deri më tani ka regjistruar vetëm një paraqitje për Chelsean.