Basketbollistët e skuadrës serbe Cërvena Zvezda shkaktuan goxha skandal të dielën mbrëma, kur nuk pranuan të mbajnë para nisjes së ndeshjes flamurin me ngjyrat e Ukrainës e ku shkruhej “Stop luftës”.
Pamjet nga ndeshja e zhvilluar në Lituani mes Zhalgirisit vendas dhe ekipit nga Beogradi, në kuadër të Euroligës, bën xhiron e botës për shkak të hezitimit serb për të dënuar luftën.
Në mesin e pesëshes së parë të ekipit serb, që nuk deshi të mbajë flamurin e Ukrainës, ishte edhe një amerikan.
Aaron White pas ndeshjes është sqaruar nëpërmjet Twitterit, duke thënë se ishte vendim i klubit të mos mbahej flamuri.
“Si ekip na është thënë të mos prekim flamurin. Dua t’ua bëjë të gjithëve të ditur se nuk e përkrah luftën dhe se dua paqe në gjithë botë”, ka shkruar White.
Edhe
Basketbollistët serbë refuzojnë të mbajnë panon “ndaleni luftën”, fishkëllehen nga tifozët në Lituani
Serbia është ndër vendet e vetme në Evropë që nuk i ka vënë sanksione Rusisë për pushtimin që ka nisur më 24 shkurt në Ukrainë.
As a team we were told to not touch the flag. I would like to make it clear I don’t support the war and I want peace in our world ❤️❤️❤️❤️❤️ https://t.co/cD3t9YlTIk
— Aaron White (@Aaron_White30) April 3, 2022
Refuzimi i basketbollistëve serbë për të dënuar agresionin rus nxiti tifozët lituan të fillojnë sharjet në kor dhe të shfaqin flamujt e Ukrainës dhe NATO-s.
Edhe
Si u turpërua Zvezda e Beogradit për flamurin anti-Kosovë
