Kroati Henrik Shirko ka shënuar 29 pikë për ta udhëhequr Golden Eagle Yllin drejt edhe një fitoreje të rëndësishme. Ylli të dielën mbrëma në Suharekë e mposhti Sigal Prishtinën me rezultatin 85:79. Ndeshja i takoi xhiros së 18-të të Superligës së Kosovës në basketboll.
Shirko ishte më i miri i ndeshjes. Ai shtoi edhe pesë kërcime e katër asistime. Aj Sumbry kontribuoi te Ylli me 19 pikë e tetë kërcime, ndërsa Erjon Kastrati shtoi 20 pikë e gjashtë asistime.
Te Prishtina u dallua Jan Palokaj me 13 pikë e nëntë kërcime. Kenneth Brown ndeshjen e mbylli me 27 pikë.
Ylli është lider me 32 pikë. Prishtina i ka 27 pikë në mesin e tabelës.