Përfaqësuesja U18 e Kosovës në basketboll e ka humbur thellë edhe ndeshjen e dytë të Kampionatit Evropian në Divizionin B.
Pas disfatës në ditën e parë nga Gjeorgjia, Kosova ka pësuar edhe në duelin e dytë.
Është mposhtur të shtunën nga Bullgaria me shifrat 85:65.
Bardh Istrefi me 24 pikë e 10 kërcime ishte më efikasi te Kosova, ndërsa Arlind Konjuhi pati 11 pikë të shënuara.
Ndeshjen e radhës në këtë turne që po mbahet në Rumani, Kosova e luan të dielën ndaj Holandës.
