Trajneri i Ballkanit, Ilir Daja, ka vendosur t’i besojë 11-shes së njëjtë për ndeshjen e kthimit kundër Zhalgirisit, që zhvillohet sot nga ora 18:00 në Lituane, e vlefshme për rundin e parë kualifikues të Ligës së Kampionëve.
Sulmin i prin talenti Albin Berisha, i cili do të ndihmohet nga krahët me Meriton Korenicën e Ermal Krasniqi.
Nazmi Gripshi, Lindon Emërllahu e kapiteni Edvin Kuq luajnë në mesfushë.
Ndërkohë, mbrojtja përbëhet nga Astrit Thaqi në të majtë, Armend Thaçi në të djathtë, Bajram Jashanica e Lumbardh Dellova në qendër.
Në portë është Stivi Frashëri.
Ndeshja e parë mes Ballkanit dhe Zhalgirisit, e zhvilluar të martën e kaluar, përfundoi baras 1:1 në “Fadil Vokrri”.
