Lautaro Martinez mund të largohet nga Interi. Sulmuesi argjentinas nuk e ka vazhduar ende kontratën, e cila i skadon në vitin 2023.
Mediat italiane kanë raportuar të premten se Lautaro mund të shitet gjatë kësaj vere.
Së fundmi në garë për 23-vjeçarin ka hyrë edhe Atletico Madridi. Skuadra madrilene thuhet se do të tentojë ta bindë Lautaron të transferohet në La Liga.
Klauzola e lirimit të argjentinasit është mbi 100 milionë euro.
Lautaro arriti të ndihmojë Interin të fitojë titullin kampion. Sulmuesi argjentinas shënoi 19 gola dhe bëri 11 asistime në të gjitha garat.
