Aston Villa ka njoftuar për transferimin e qendërmbrojtësit spanjoll, Pau Torres, nga skuadra e Villarrealit.
Çmimi i transferimit të tij nuk është bërë i ditur, ka shkruar “BBC” të mërkurën.
26-vjeçari Torres ka luajtur nën drejtimin e trajnerit Unai Emery te klubi spanjoll prej vitit 2020 deri në vitin 2022.
Pau Torres është produkt i akademisë së Villarrealit, ndërsa iu bashkua kësaj skuadre në vitin 2003.
Ai ka pasur rol të madh te “nëndetësja e verdhë” në edicionin e kaluar. Villarreali përfundoi në pozitën e pestë.
Torres ka zhvilluar 173 ndeshje për klubin e tij të fëmijërisë.
Ka realizuar 12 gola, ndërsa ka edhe 23 paraqitje për Spanjën.
Edhe
Torres pritet t’i bashkohet shpejt Aston Villas
Paraqitjen e parë për skuadrën seniore të Villarrealit, Pau Torres e pati në vitin 2016.
Ndërkohë për Spanjën debutoi në vitin 2019. Luajti në “Euro 2020” dhe në Kupën e Botës 2022.
Aston Villa ka transferuar edhe Youri Tielemansin.
