22:40- Interi ka vazhduar me fitore në Serie A. Të hënën mbrëma, Interi shënoi fitoren e nëntë rresht në elitën e futbollit të Italisë. Interi mposhti Genoan me rezultatin 2:1, në ndeshjen që i takoi javës së 27-të të Serie A. Dy golat e fitores i shënoi në pjesën e parë.
Fillimisht shënoi mesfushori shqiptar Kristjan Asllani në minutën e 30-të, ndërsa tetë minua më vonë, Alexis Sanchez shënoi nga penalltia golin për 2:0. Genoa shënoi golin e nderit në minutën e 54-t nëpërmjet Johan Vasquez. Interi me fitore ka bërë një hap të madh drejt titullit të kampionit. Zë vendin e parë me 72 pikë, 15 pikë më shumë se përcjellësi i parë Juventusi. Genoa është në pozitën e 12-të me 33 pikë.
21:31 - Reprezentuesi i Shqipërisë, Kristjan Asllani ka shënuar golin e parë për Interin në Serie A.
Asllani shënoi për 1:0 në ndeshjen e Interit ndaj Genoas, që i takon xhiros së 27-të. Asllani në minutën e 31-të goditi fuqishëm nga zona për gol të bukur. Ai po kalon formë të lartë.
ASLLANI’S FIRST GOAL FOR INTER!
— F.C. InterData (@Fcinterdata) March 4, 2024
pic.twitter.com/luVAUW3CZV
