Mesfushori Marco Asensio nuk do të largohet nga Real Madridi në afatin kalimtar të janarit.
Në fakt, mediumet spanjolle kanë shkruar të enjten se Asensio po vlerësohet si lojtar i rëndësishëm për klubin madrilen dhe për këtë arsye krerët e Realit pritet së shpejti të nisin negociatat për rinovimin e kontratës së tij.
Asensio ka kontratë me Realin deri në vitin 2023 dhe klubi po dëshiron ta mbajë në “Santiago Bernabeu” të paktën deri në vitin 2025. 25-vjeçari është pjesë e Realit prej vitit 2015 kurse këtë sezon ka tre gola e një asistim në tetë paraqitje në të gjitha garat.
