Mesfushori Moises Caicedo pritet të jetë përforcimi i parë i skuadrës së Arsenalit për sezonin e ardhshëm, ka bërë të ditur “Daily Mail” të martën.
Mësohet se Arsenali ka parakaluar të gjitha skuadrat e tjera të interesuara për Caicedon, pasi thuhet se tashmë ka arritur marrëveshje personale me 21-vjeçarin.
Në garë për Caicedon janë edhe Liverpooli e Manchester Unitedi, por Arsenali është në negociata me drejtuesit e Brightonit dhe po shpreson ta finalizojë marrëveshjen këtë muaj.
Arsenali ka ofruar 45 milionë euro për mesfushorin defensiv, i cili pëlqehet nga trajneri Mikel Arteta por Brightoni po kërkon të paktën 60 milionë euro për kartonin e Caicedos.
Ai ka kontratë me Brightonin deri në vitin 2027, ndërsa këtë sezon ka 1 gol e 1 asistim në 22 paraqitje në Premier League.