Mesfushori Houssem Aouar pritet ta vazhdojë karrierën në Premier League. “L’Equipe” ka njoftuar të enjten se Aouar po shqyrton ofertat nga skuadrat e shumta angleze dhe është i interesuar që sezonin e ardhshëm të luajë në elitën e Anglisë.
24-vjeçari në fund të këtij sezoni do të mbetet lojtar i lirë, pasi ka refuzuar rinovimin e kontratës me skuadrën e Lyonit. Interesim për Aouarin kanë shfaqur edhe ekipet nga Italia, por 24-vjeçari dëshiron të paraqitet në Premier League.
Mësohet se një prej ekipeve favorite për t’i siguruar shërbimet e Aouarit mbetet Tottenhami. Këtë sezon, Aouar ka shënuar 1 gol dhe ka bërë 1 asistim në dhjetë ndeshje të luajtura për Lyonin.
